Türkmenistanyň Medeniýet ministrliginiň, Türkmenistanyň Demokratik partiýasynyň Syýasy Geňeşiniň, «Edebiýat we sungat» gazetiniň redaksiýasynyň, Türkmenistanyň Suratkeşler birleşiginiň bilelikde yglan edýän «Parahatçylyk we ynanyşmak-Bitaraplygyň binýady» atly döredijilik bäsleşiginiň DÜZGÜNNAMASY
I. Döredijilik bäsleşiginiň maksady
1.«Parahatçylyk we ynanyşmak-Bitaraplygyň binýady» döredijilik bäsleşigini (mundan beýläk döredijilik bäsleşigini) Türkmenistanyň Medeniýet ministrligi, Türkmenistanyň Demokratik partiýasynyň Syýasy Geňeşi, «Edebiýat we sungat» gazetiniň redaksiýasy, Türkmenistanyň Suratkeşler birleşigi bilelikde 2025-nji ýylyň «Halkara parahatçylyk we ynanyşmak ýyly» diýlip yglan edilmegi we Türkmenistanyň hemişelik Bitaraplygynyň şanly 30 ýyllygy mynasybetli geçiriljek medeni-köpçülikleýin çäreleri dabaralandyrmak, wagyz etmek, bu şanly seneleri joşgunly we çeper wasp etmek, döredijilik işgärlerini höweslendirmek maksady bilen geçirýärler.
2. Döredijilik bäsleşiginiň umumy düzgünleri
2.1.Döredijilik bäsleşigine ýurdumyzyň ýazyjy-şahyrlary, žurnalistleri, suratkeşleri, sungaty öwrenijileri, çeper döredijilik bilen meşgullanýan raýatlary öz eserleri bilen gatnaşyp bilerler.
2.2.Döredijilik bäsleşiginiň ýeňijilerini seçip almak üçin döredilýän eminler toparynyň düzümi Türkmenistanyň Medeniýet ministrligi, Türkmenistanyň Demokratik partiýasynyň Syýasy Geňeşi, «Edebiýat we sungat» gazetiniň redaksiýasy, Türkmenistanyň Suratkeşler birleşigi tarapyndan tassyklanylýar.
2.3.Döredijilik bäsleşigi baradaky bildiriş metbugatda çap edilen gününden başlap güýje girýär.
3. Döredijilik bäsleşiginiň şertleri
3.1.Döredijilik bäsleşigine hödürlenilýän eserlerde türkmen halkynyň Milli Lideri Gahryman Arkadagymyzyň hem-de Hormatly Prezidentimiziň taýsyz tagallalary netijesinde Türkmenistan döwletimiziň dünýäde ahlumumy parahatçylygy pugtalandyrmaga, dost-doganlyk gatnaşyklaryny ösdürmäge gönükdirilen asylly başlangyçlary, Birleşen Milletler Guramasynyň Baş Assambleýasy tarapyndan kabul edilen Kararlary, 2025-nji ýylyň «Halkara parahatçylyk we ynanyşmak ýyly» diýlip yglan edilmeginiň we Türkmenistanyň hemişelik Bitaraplygynyň şanly 30 ýyllygynyň çuňňur many-mazmuny giňden wasp edilmelidir.
3.2.Eserleriň çeperçilik derejesine, hiline we many-mazmunyna emin agzalary tarapyndan baha berilýär.
3.3.Döredijilik bäsleşigine Halkara parahatçylyk we ynanyşmak ýyly hem-de Türkmenistanyň hemişelik Bitaraplygynyň şanly 30 ýyllygy barada döredilen goşgular, makalalar, şeýle hem, şekillendiriş we amaly-haşam sungaty eserleri (nakgaşlyk, grafika, heýkeltaraşlyk, gobelen, halyçylyk, zergärçilik, külalçylyk, sungaty öwreniş, foto we wideo sungaty, dizaýn, binagärlik sungaty) hödürlenilýär.
3.4.Döredijilik bäsleşigine gatnaşyjylar hödürleýän eserleri bilen birlikde, özleri hakynda maglumatlary hem goşmalydyrlar (familiýasy, ady, atasynyň ady, ýaşaýan, işleýän ýa-da okaýan ýeri, wezipesi, öý salgysy, telefon belgileri). Döredijilik bäsleşigine hödürlenilýän eserleri sanly-medeniyet@sanly.tm, sanlymedeniyet@internet.ru hem-de edebiyatwesungat@sanly.tm elektron salgylara ibermeli. Döredijilik bäsleşigine hödürlenilýän goşgular, makalalar, sungaty öwrenijileriň işleri 2025-nji ýylyň 31-nji oktýabryna çenli kabul edilýär. Döredijilik bäsleşigine hödürlenilýän şekillendiriş we amaly-haşam sungaty eserlerini 2025-nji ýylyň 25-nji noýabryna çenli Türkmenistanyň Suratkeşler birleşigine tabşyrylýar.
3.5. Döredijilik bäsleşigi şu ýylyň dekabr aýynda jemlener we ýeňijilere Hormat hatlary hem-de ýadygärlik sowgatlar gowşurylar.
Biziň salgymyz: Aşgabat şäheri, Bitarap Türkmenistan şaýoly―461, Türkmenistanyň Medeniýet ministrliginiň Döredijilik işgärleri bölümi.
Elektron poçta:
sanly-medeniyet@sanly.tm
sanlymedeniyet@internet.ru
edebiyatwesungat@sanly.tm
Habarlaşmak üçin telefon belgilerimiz:
44-00-81, 44-00-71, / 38-62-33.