Garaşsyz, Bitarap Türkmenistanym!
Säher bilen bilbil saýrar bagyňda,
Çuňluk bardyr, dessuryňda-däbiňde,
Ýakym bardyr Günüň hoştap çogunda,
Berkarar Watanym, dilde dessanym,
Garaşsyz, Bitarap Türkmenistanym!
Ýaşyl Tugum Ýer ýüzünde parlaýar,
Dost-dogan ýurtlara mähir paýlaýar,
Watanyma dünýä nazar aýlaýar,
Ir-iýmişi datly gül-gülüstanym,
Garaşsyz, Bitarap Türkmenistanym!
Bagtyýarlyk mekanydyr bu Diýar,
Halkyň ryzky, genç-känidir bu Diýar,
Dillerimiziň dessanydyr bu Diýar,
Waspyň edip, şygyr-gazal beslänim,
Garaşsyz, Bitarap Türkmenistanym!
Begenjimden göge uçasym gelýär,
Dagyňy, bagyňy guçasym gelýär,
Taryp edip dürler saçasym gelýär,
Kalba ylham, köňle melhem bossanym,
Garaşsyz, Bitarap Türkmenistanym!
Oguljennet NAZAROWA