TÄZE ÝYL
Dünýämize abatlyk,
Alyp gelsin, Täze ýyl..
Ýüreklermize şatlyk,
Salyp gelsin Täze ýyl.
***
Kaksyn göwün taryny,
Diňläliň owazyny,
Dünýä dostluk sazyny,
Çalyp gelsin Täze ýyl.
***
Nur sepeläp daglara,
Gül gowşuryp ýazlara,
Şatlygyny sazlara,
Salyp gelsin Täze ýyl.
***
Meňzäp ýagty çyraga,
Çag gatsyn, gül çaglara,
Dür bolup bu baglara,
Ýagyp gelsin Täze ýyl.
***
Güllesin göwünlermiz,
Çözülsin düwünlermiz,
Joş alsyn köňüllermiz,
Joşup gelsin Täze ýyl.
***
Meňzäp göýä hyýala,
Büräp çar ýany gara
Bu bagtyýar Diýara,
Daşyp gelsin, Täze ýyl.
***
Alyp bedew badyny,
Besläp göwün şadyny,
Taryha öz adyny,
Ýazyp gelsin Täze ýyl.
***