ADYŇ ÝÜREKLERDE BAKY ÝAŞAÝAR
(G.Ezizowa bagyşlanýar)
Misli altyn güýz deý sypaýy, sada,
Güýzüň aşygydy, güýzüň ýazary.
Nesiller mirasyn edinip kada,
Ýatlady Ezizow Gurbannazary.
***
Çäkli ömür, edebýatyň ägirdi,
Altyn güýzde eglenipdi nazary.
Şygyrlarna dolup, şahyr şägirdi,
Ýatlady Ezizow Gurbannazary.
***
Şahyrsyz saraldy ýapragy güýzüň,
Küýsedi şahyry bossanly ýazym.
Ýaz şemaly çalyp, ýatlama sazyn,
Ýatlady Ezizow Gurbannazary.
***
Beýiklere hormat bardyr bu zaman,
Ýurdum parahatdyr, ilimiz aman.
1-nji mart nesiller bogup çemen,
Ýatlady Ezizow Gurbannazary.
***
Adyň ýüreklerde, setirleň dilde,
Şöhradyň bakydyr şahandaz ilde.
Şygryýetim hormat bilen bu günde,
Ýatlady Ezizow Gurbannazary.