«Awaza» milli syýahatçylyk zolagynda «Awaza – 2023» atly halkara tans we folklor festiwalynyň açylyş dabarasy geçirildi.
Hormatly Prezidentimiziň parasatly ýolbaşçylygynda Türkmenistan döwletimiz bilen dünýä döwletleriniň arasynda halkara hyzmatdaşlygyny netijeli ösdürmek, dünýäde parahatçylygy, asudalygy pugtalandyrmak boýunça giň gerimli işler durmuşa geçirilýär. Bu bolsa dünýäde ählumumy parahatçylygy pugtalandyrmaga, dünýä halklary bilen döwletimiziň arasyndaky dost-doganlyk gatnaşyklarynyň gerimini giňeltmäge täze badalgalary berýär.
«Arkadag Serdarly bagtyýar ýaşlar» ýylynda Türkmenistan döwletimiz halkara medeni dabaralaryň geçirilýän mekanyna öwrüldi. Şu ýylyň 13–16-njy iýuny aralygynda ýurdumyzyň gözel künjegi bolan «Awaza» milli syýahatçylyk zolagynda «Awaza – 2023» atly halkara tans we folklor festiwaly geçirilýär. Festiwala Russiýa Federasiýasynyň, Özbegistan Respublikasynyň, Gazagystan Respublikasynyň, Täjigistan Respublikasynyň, Eýran Yslam Respublikasynyň, Hindistan Respublikasynyň, Rumyniýanyň şeýle hem ýurdumyzyň welaýatlarynyň tans we folklor toparlary gatnaşýar. Festiwalyň çäklerinde «Folklor döredijiliginiň we halk tansynyň dessurlary» atly halkara ylmy-amaly maslahaty, Halkara festiwalyna gatnaşýan daşary ýurtly tans goýujylaryň türkmen kärdeşleri bilen döredijilik duşuşygy we ussatlyk sapaklary şeýle hem Halkara festiwala gatnaşyjylaryň «Awaza» milli syýahatçylyk zolagy bilen tanyşdyrylmagy hem-de «Awaza» derýasynda gämili gezelenji guralar. Bu bolsa türkmen folklor sungatynyň gadymy däpleriniň inçe taraplaryny açyp görkezmek we wagyz etmek, beýleki halklaryň folklor sungatyny içgin öwrenmek üçin amatly mümkinçilik bolar.
2023-nji ýylyň 13-nji iýunynda «Awaza – 2023» atly halkara tans we folklor festiwalynyň açylyş dabarasy uly şowhuna beslenip geçirildi. Dabarada Hormatly Prezidentimiziň Gutlagynyň okalmagy dabara gatnaşyjylary has-da buýsandyrdy.
Dürli halkara dabaralaryň ýurdumyzda yzygiderli geçirilmegi üçin ähli mümkinçilikleri döredip berýän Gahryman Arkadagymyza hem-de Arkadagly Serdarymyza köp sag bolsun aýdýarys.