«TÜRKMENFILM» TÄJIGISTANDA GEÇIRILJEK ILKINJI «TOJI SOMON» FILM FESTIWALYNA GATNAŞAR
Ilkinji «Toji Somon» film festiwaly Duşanbe şäherinde geçiriler. Ol 15-nji oktýabrdan 19-njy oktýabr aralygynda Prezident Emomali Rahmonyň goldawy bilen geçiriler we Täjigistanyň Kino gününe bagyşlanar.
Oguz han adyndaky «Türkmenfilm» birleşiginiň döredijilik topary Halkara film festiwalyna gatnaşýar. Döredijilik halkara çäresiniň çäginde haýsy filmleriň hödürlenjekdigi ýakyn wagtda belli bolar.
Film festiwalynyň «Täjikleriň ösüşiniň taryhy» şygary bilen geçiriljekdigini bellemelidiris. Maksady döredijilik ýaşlaryny goldamak, tejribe alyşmak, ýaş kinorežisýorlaryň hünärlerini ýokarlandyrmak, içerki we daşary ýurt filmlerini kino söýüjilerine hödürlemek, bilelikdäki taslamalary ösdürmek, syýahatçylyk ugurlaryny hödürlemek, kino pudagynda halkara gatnaşyklaryny berkitmek we giňeltmekdir.
Festiwalyň hormatly myhmanlary hökmünde dünýäniň dürli künjeklerinden tanymal kinematografçylar gatnaşarlar.
Festiwalyň çäginde mundan başga-da, film taslamalary (multfilmler, çeper filmler we dokumental filmler) bilen tanyşmak, daşary ýurtlaryň meşhur kino wekilleri bilen duşuşyklary geçirmek meýilleşdirilýär.