HALKARA MILLI MEDENIÝETLER FESTIWALY
2023-nji ýylyň 27-nji oktýabrynda Türkmenistanyň halk artisti Züleýha Kakaýewa we «Galkynyş» tans topary «Kazandaky Gündogar bazarynda» halkara milli medeniýetler festiwalynda çykyş eder.
Festiwal 21 — 27-nji oktýabr aralygynda Kazanda geçiriler.
«Kazandaky Gündogar bazary» Russiýanyň ilkinji iri halkara aýdym-saz festiwaly bolup, onuň esasy maksady milletara we döwletara medeni gatnaşyklary pugtalandyrmakdan, türki we gündogar halklarynyň medeniýetini mundan beýläk-de ösdürmekden we türki halklaryň döredijilik mümkinçiliklerini görkezmekden ybaratdyr.
Türkmen sungat ussatlarynyň çykyş etjek festiwalynyň gala konserti 27-nji oktýabrda Kazan şäherindäki «Piramida» medeni-dynç alyş toplumynda bolar.
Geçen ýyl «Kazandaky Gündogar bazary» atly festiwalyň gala konsertine Türkmenistandan «Güneş» aýdym-saz topary gatnaşypdy.