Kinorežissýor Sahysalyh Baýramow halkara kinofestiwalyň baýragyna mynasyp boldy
Şu ýylyň 29-njy sentýabry — 2-nji oktýabry aralygynda Özbegistan Respublikasynda «Ýüpek ýolunyň merjeni» XV Daşkent kinofestiwaly geçirildi. Oňa dünýäniň 52 ýurdundan gelen 300-e golaý aktýorlardyr aktrisalar, prodýuserler hem-de režissýorlar, kino sungatyny öwrenijiler we kino tankytçylar şeýle hem türkmen režissýorlary gatnaşdylar.
Oguzhan adyndaky «Türkmenfilm» birleşiginiň başlygynyň döredijilik işleri boýunça orunbasary, kinorežissýor Sahysalyh Baýramow Özbegistan Respublikasynda geçirilýän «Ýüpek ýolunyň merjeni» XV Daşkent kinofestiwalynda çeper film ugry boýunça eminlik etdi.
Halkara kinofestiwalyň çäklerinde Oguzhan adyndaky «Türkmenfilm» birleşigini tarapyndan surata düşürilen «Daragt» we «Gyzyl kürte» atly filmler görkezildi.
«Ýüpek ýolunyň merjeni» XV Daşkent halkara kinofestiwalyň jemleýji gününde onuň ýeňijilerine, şol sanda Sahysalyh Baýramowa şahadatnama, heýkel we 1000 ABŞ dollary möçberinde pul baýragy gowşuryldy.
Biz hem kinorežissýor Sahysalyh Baýramowy gazanan halkara üstünligi bilen gutlap, oňa döredijilik äleminde üstünlikleriň ýaran bolmagyny arzuw edýäris!