Türkmen wekiliýeti «Prix Italia 2023» festiwalyň çäginde Baş Assambleýanyň mejlisine gatnaşdy
Ozal habar berşimiz ýaly, Italiýada «Prix Italia 2023» festiwaly geçirildi. Festiwalyň çäginde Baş Assambleýanyň yzygiderli mejlisi hem geçirildi. Oňa Türkmenistanyň Telewideniýe, radiogepleşikler we kinematografiýa baradaky döwlet komitetiniň başlygynyň orunbasary A.Kakaýew gatnaşdy. «Prix Italia 2023» festiwalynyň ýapylyş dabarasy 1948-nji ýyldan bäri her ýyl geçirilýär.
2023-nji ýylda Baş Assambleýanyň mejlisine dürli ýurtlardan 13 sany täze wekil gatnaşdy. HHM-niň habar bermegine görä, festiwalyň çäginde Ýewropa telewideniýe kompaniýalarynyň we Türkmenistanyň wekilleri bilen ikitaraplaýyn duşuşyklar geçirildi.
«Prix Italia» radio, telewideniýe we internet ýaly iň gadymy we abraýly halkara festiwallaryndan biridir. Ol ýerde dört ugur, ýagny drama, dokumental filmler, telewideniýe we radio ugurlary boýunça baýraklar gowşurylýar.