Türkmen wekiliýeti TÜRKSOÝ-yň Muzeýler birleşiginiň maslahatyna hem-de Türki dünýäsiniň II muzeýler forumyna gatnaşýar
Şu ýylyň 11 — 14-nji oktýabry aralygynda Türki medeniýetiniň halkara guramasy (TÜRKSOÝ) tarapyndan Azerbaýjan Respublikasynyň Baku şäherinde TÜRKSOÝ-yň Muzeýler birleşiginiň maslahaty hem-de Türki dünýäsiniň II muzeýler forumy geçiriler. Bu maslahata hem-de foruma türkmen wekiliýeti hem gatnaşýar.
Türkmenistanyň Döwlet medeniýet merkeziniň Döwlet muzeýiniň direktory Meretgeldi Çaryýew bilen Arkadag şäheriniň taryhy we ülkäni öwreniş muzeýiniň direktory Nurmyrat Annaçaryýew Baku şäherinde geçiriljek TÜRKSOÝ-yň Muzeýler birleşiginiň maslahatyna hem-de Türki dünýäsiniň II muzeýler forumyna ýurdumyzyň adyndan gatnaşarlar.
Maslahatyň hem-de forumyň dowamynda ildeşlerimiz oňa gatnaşýan ýurtlaryň wekillerini türkmen halkynyň baý medeni mirasy hem-de milli gymmatlyklary bilen tanyşdyrarlar.