2024-nji ýylda Baku we Ganja şäherlerinde Türkmenistanyň Medeniýet günleri geçiriler
2024-nji ýylyň aprel aýynda Baku we Ganja şäherlerinde Türkmenistanyň Medeniýet günlerini geçirmek meýilleşdirilýär. Bu barada 12-nji oktýabrda Türkmenistanyň medeniýet ministri Atageldi Şamyradow Azerbaýjanyň Medeniýet ministriliginde geçirilen duşuşygyň dowamynda belledi.
Mundan başga-da, ministr duşuşygyň barşynda «IV Gorkut ata» Türk dünýäsiniň film festiwalynyň Türkmenistanyň Änew şäherinde geçirmek baradaky karara uly kanagatlanma bildirip, medeniýet pudagyndaky gatnaşyklary geljek ýyllarda hem ösdürmek üçin ähli mümkinçilikleriň bardygyny duşuşygyň dowamynda belläp geçdi.
Ozal hem habar berşimiz ýaly, häzirki wagtda Türkmenistanyň medeniýet ministri Atageldi Şamyradowyň ýolbaşçylygyndaky wekiliýetiň Azerbaýjan Respublikasyna iş sapary dowam edýär.
Belläp geçsek, türkmen wekiliýetiniň 13-14-nji oktýabr aralygynda «Türk dünýäsiniň medeni paýtagty» — Şuşada geçirilýän Azerbaýjanyň Milli lideri Geýdar Aliýewiň 100 ýyllygyna bagyşlanan I Türk dünýäsiniň medeniýet forumyna gatnaşdy.