Aşgabatda Ýewropa Bileleşiginiň 30 ýyllygyna bagyşlanan konsert geçirildi
26-njy noýabrda Türkmenistanyň Döwlet medeniýet merkeziniň Mukamlar köşgünde Ýewropa Bileleşiginiň Türkmenistan bilen diplomatik gatnaşyklaryň ýola goýulmagynyň 30 ýyllygyna bagyşlanyp konsert geçirildi.
Bu konsert Türkmenistandaky Ýewropa Bileleşiginiň Medeniýet hepdeliginiň çäginde gurnaldy.
Konsert Latwiýanyň hor ussady Wita Timermanyň ýolbaşçylyk etmeginde Aşgabat şäheriniň 1-nji, 4-nji sazçylyk mekdepleriniň we Türkmenistanyň ýörite sazçylyk mekdep internatynyň okuwçylaryndan düzülen çagalar horunyň hem-de Resul Gylyjowyň ýolbaşçylygyndaky Döwlet orkestriniň gatnaşmaklarynda bilelikde ýerine ýetirildi.