Türkmenistanyň medeniýet we sungat ussatlary Türkiýede we Fransiýada iş saparynda bolarlar
Türki halklaryň medeniýeti halkara guramasynyň (TÜRKSOÝ) döredilmeginiň 30 ýyllygy mynasybetli şu ýylyň 8 — 18-nji dekabry aralygynda Türkiýe Respublikasynyň Ankara şäherinde hem-de Fransiýa Respublikasynyň Pariž şäherinde konsertler geçiriler.
TÜRKSOÝ-yň döredilmeginiň 30 ýyllygy mynasybetli geçiriljek konsertlere ýurdumyzyň medeniýet we sungat ussatlary hem gatnaşar. Dabaralara gatnaşjak ildeşlerimiz 8 — 19-njy dekabr aralygynda Türkiýe Respublikasynda hem-de Fransiýa Respublikasynda iş saparynda bolarlar.