Watan gerçekleri unudylmaz!
Türkmenistanyň Döwlet medeniýet merkeziniň Döwlet kitaphanasynda Beýik Ýeňişiň 79 ýyllygy mynasybetli «Watan gerçekleri unudylmaz!» ady bilen baýramçylyk dabarasy geçirildi.
Baýramçylyk dabarasynda çykyş edenler Beýik Watançylyk urşy döwründe türkmen esgerleriniň edermenligi, olaryň Watan goragyndaky üstünlikleri hakynda giňişleýin gürrüň etdiler, şeýle-de eziz Watanymyzyň häzirki ösüş-özgerişlerine, asudalygyna guwanýandyklaryny nygtadylar.
Gahryman Arkadagymyzyň ýazan «Döwlet guşy», «Älem içre at gezer» atly gymmatly eserlerinde Watan mukaddesligi, Berdimuhamet Annaýewiň görkezen edermenlikleri, şeýle hem türkmen ýazyjy-şahyrlarynyň Beýik Ýeňiş barada ýazan eserlerinden giňişleýin gürrüň etmek bilen, şu günki bagtyýar durmuşymyza guwanýandyklaryny Gahryman Arkadagymyza, hormatly Prezidentimiz Arkadagly Gahryman Serdarymyza minnetdarlyklaryny aýtdylar.