MOSKWA ŞÄHERINDE MAGTYMGULY PYRAGYNYŇ HEÝKELINIŇ AÇYLYŞ DABARASY
30-njy sentýabrda Russiýa Federasiýasynyň Moskwa şäherinde ýerleşýän M.I.Rudomino adyndaky Daşary ýurt edebiýaty döwlet kitaphanasynyň howlusynda Gündogaryň görnükli akyldary, nusgawy türkmen şahyry Magtymguly Pyragynyň bürünçden ýasalan heýkeliniň açylyş dabarasy geçirildi. Dabara Türkmenistandan baran wekillerimiz hem gatnaşdylar. Magtymguly Pyragynyň heýkelini Türkmenistanyň Suratkeşler birleşiginiň agzasy, heýkeltaraş Zahid Babaýew döretdi. Türkmenistanyň ilçihanasynyň guramaçylygynda geçirilen çäre Magtymguly Pyragynyň doglan gününiň 300 ýyllygynyň dabaralary bilen ugurdaşlykda geçirildi.
