TÜRKSOÝ-a agza ýurtlarynyň ýazyjylarynyň duşuşygy
19-njy oktýabrda Türkmen döwlet medeniýet institutynda TÜRKSOÝ-a agza ýurtlarynyň ýazyjylarynyň institutyň talyplary bilen geçirilen döredijilik duşuşygy täsire baý boldy.
Duşuşykda doganlyk halklarynyň ýazyjy-şahyrlary Gündogaryň beýik akyldary we nusgawy şahyry Magtymguly Pyragynyň pähim-paýhasa ýugrulan döredijiligi barada iňňän manyly çykyşlar etdiler we akyldar şahyrymyzyň goşgularyny okadylar. Şeýle hem talyp ýaşlara öz döreden goşgularyndan hem okap berdiler. Duşuşykda edebi gatnaşyklarymyzy has-da ösdürmäge uly goldaw-hemaýat berýän türkmen halkynyň Milli Lideri Gahryman Arkadagymyza, peder ýoluny üstünlikli dowam etdirýän Arkadagly Gahryman Serdarymyza tüýs ýürekden sag bolsun aýtdylar. Olaryň janlarynyň sag, ömürleriniň uzak, il-ýurt bähbitli döwletli işleriniň hemişe üstünliklere beslenmegini arzuw etdiler.
