PARAHATDYR ÝURDUMYZ-AÝDYŇ BARÝAN ÝOLUMYZ
Aşgabat şäher medeniýet müdirliginiň Merkezleşdirilen kitaphanalar ulgamy bilen Köpetdag etrap häkimliginde 2025-nji ýyl «Halkara parahatçylyk we ynanyşmak ýyly» mynasybetli «Parahatdyr ýurdumyz-aýdyň barýan ýolumyz» ady bilen wagyz-nesihat çäresi geçirildi.
Çärede çykyş edenler türkmen halky ynsanperwerlige, asylly ýörelgelere belent sarpa goýýanlygy, esasan hem, parahatçylyk söýüjilik ýörelgelerini asyrlaryň dowamynda kämilleşdirip, Berkarar döwletiň täze eýýamynyň Galkynyşy döwründe parahatçylyk söýüjilik ýörelgesi mynasyp ösdürilýändigi barada gürrüň berdiler. Şeýle-de parahatçylyk we ynanyşmak adamzadyň abadan geljegini üpjün etmek üçin biri-biri bilen aýrylmaz baglanyşykly iň gymmatly düşünjeler bolup, ol häzirki wagtda döwletleriň we halklaryň arasynda hyzmatdaşlygyň hem-de ösüşiň baş ýörelgesine öwrülýändigi barada bellediler.
Çäräniň ahyrynda halkymyzy ösüşleriň şanly menzillerinden aýdyň ertirlere alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.