ÄLEMDE PARAHATLYK DÖWRÜMIZIŇ ŞYGARY
Hormatly Prezidentimiziň parasatly baştutanlygynda bu günki gün türkmen halkymyzyň her bir güni toýdyr-baýramlara, şatlykly senelere, taryhy wakalara beslenýär. Ajaýyp döwrümiziň «Halkara parahatçylyk we ynanyşmak» ýylynyň şanly wakalary watandaşlarymyzy, bagtyýar ýaşlarymyzy il-ýurt bähbitli işlere galkyndyrýar. Hemişelik Bitaraplyk hukuk ýagdaýy ýurdumyzda ykdysady taýdan gülläp ösüş ýoly bilen ynamly öňe gitmäge mümkinçilik bermek bilen, häzirki we geljekki nesilleriň bagtyýar hem-de abadan durmuşynyň binýadyna öwrüldi.
Bitaraplygymyzyň şanly 30 ýyllygyna görülýän taýýarlyk mynasybetli jemgyýetçilik durmuşynyň ähli ulgamlarynda uly işler alynyp barylýar. Şeýle çäreleriň biri hem Balkan welaýat kitaphanasynda Türkmenistanyň Magtymguly adyndaky Ýaşlar guramasynyň Balkan welaýat Geňeşiniň we Türkmenistanyň Agrar partiýasynyň Baklan welaýat birleşmesi bilen bilelikde «Älemde parahatlyk döwrümiziň şygary» ady bilen geçirildi. Geçirilen maslahat duşuşygynda Balkan welaýatynyň edara–kärhanalarynda zähmet çekýän ýaşlar we talyplar gatnaşdy. Maslahatda çykyş edenler hormatly Prezidentimiziň şeýle hem Gahryman Arkadagymyzyň alyp barýan Bitaraplyk syýasatynyň halkara derejesinde ykrar edilýänligi, döwletimizde kitaphana ulgamynyň işiniň kämilleşdirilýänligi dogrusynda gyzykly gürrüňler edildi. Söhbetdeşligiň çäginde welaýat kitaphanasynyň baý gaznasyndan «Kitaphana–hazynalar ojagy» atly kitap sergisi gurnaldy.
Çykyşlaryň ahyrynda Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak, beýik işleriniň rowaç bolmagyny tüýs ýürekden arzuw etdiler.