BITARAPLYK-PARAHATÇYLYGYŇ WE EŞRETLI ÝAŞAÝŞYŇ KEPILI
Lebap welaýat kitaphanasynyň «Syýasy-jemgyýetçilik edebiýatlary wagyz edýän» bölüminiň gurnamagynda «Halkara parahatçylyk we ynanyşmak» ýylyna bagyşlap «Bitaraplyk-parahatçylygyň we eşretli ýaşaýşyň kepili» ady bilen tegelek stoluň başynda söhbetdeşlik geçirdi. Söhbetdeşlikde ýurdumyzyň halkara abraýynyň, ornunyň ýokary galmagyna, gözbaşyny asyrlaryň jümmüşinden alyp gaýdýan türkmen halkynyň özboluşly taryhy-medeni mirasy we ruhy baýlygy, baý serişdeleri, önümçilik mümkinçilikleri, jemgyýeti demokrasiýalaşdyrmak, giň gerimli özgertmeler ýoly bilen aýgytly öňe barýan döwletiň ykdysadyýetiniň ýokary depginler bilen ösüşi, gönüden-göni, oňaýly täsir edýär diýip çykyş edenler bellediler. Söhbetdeşligiň barşynda ýurdumyzyň oňyn bitaraplyk, parahatçylyk söýüjilik syýasatynyň ösüşi, ugrunda jan aýaman zähmet çekýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.