MARY WELAÝATYNYŇ ÇAGALAR ÇEPERÇILIK MEKDEBINIŇ TOPARLAÝYN SERGISI GEÇIRILDI
«Halkara parahatçylyk we ynanyşmak» ýylynda Türkmenistanyň Çeperçilik sergiler müdirligi we şekillendiriş sungatynyň sergi merkeziniň Sergi jaýynda Mary welaýatynyň çagalar çeperçilik mekdebiniň toparlaýyn sergisi geçirildi.
Sergide, Nurmämmedow Atamyrat “Interýer” 2025ý., Döwletgeldiýew Rowaçgeldi “Dükanda” 2025ý., Annaorazow Hojageldi “Men we meniň itim” 2025ý., Mämmetmyradowa Leýli “Halasgär” 2024ý., Annaorazow Hojageldi “Interýer” 2025ý., Meňliýewa Zyýada “8 mart” 2024ý., Atabalowa Aýnur “Fazan” 2024ý., Baýramgeldiýewa Oguljennet “Bürgüt” 2024ý., Meýlisow Didar “Ýaz gülleri” 2024ý., Çaryýewa Aýjemal “Güýz natrýumorty” 2024ý., Tirkeşowa Merjen “Güýz” 2024ý., Ýagmyrowa Bagül “Garry atamyň öýi” 2025ý., Aşyrowa Enetäç “Tut” 2025ý., Annadurdyýew Dawut “Biziň howlymyz” 2024ý., Kerimow Pälwan “Maşgalam” 2024ý., Atajanowa Aýjeren “Meniň ýaşaýan ýerim” 2024ý., Babaýewa Läle “Mekdebim” 2024ý. ýaly eserleri bellenmäge mynasypdyr.
Ýaş suratkeşleriň döreden sungat eserleriniň ählisinde ýaş kalplarda gaýnap joşýan watan söýgüsini, milli gymmatlyklarymyzy, peder mukaddesligini, buýsançly taryhymyzy, ruhy sütünlerimiz çeper beýan edilýär. Nakgaşçylyk, keramika, gobelen, heýkel eserleriniň aglabasynda ýagty reňkleriň kömegi bilen durmuşyň ajaýyp wakalarynyň we pursatlarynyň beýan edilmegi sergä aýratyn öwüşgün çaýdy.
Ýaş suratkeşler geljekde ykballaryny sungat bilen baglajakdyklaryny çeperçilik bilimlerini yzygiderli artdyrýandyklaryny sungat eserlerinde açyk aýdyň beýan edýärler. Heýkel eserleriniň köp bölegi milli gymmatlyklarymyza, bedew atlarymyza, halk ertekilerine bagyşlanmagy ýaş suratkeşleriň ussat halypalardan tälim alýandyklaryny görkezýär. Sergide Mary welaýatynyň çagalar çeperçilik mekdebiniň çagalarynyň 565-den gowrak nakgaş, grafika, heýkel, gobelen eserleri görkezilýär.
Sergi öz işini 10 gün dowam eder
