PARAHATLYK HEMRA HER BIR YNSANA, YNAM BILEN GELJEGIMIZ NURANA
Türkmenistanyň Bazar Amanow adyndaky Döwlet çagalar kitaphanasy «Halkara parahatçylyk we ynanyşmak» ýylynda Arkadag şäheriniň iňlis diline ýöriteleşdirilen 2-nji orta mekdebinde «Arkadag» teleýaýlymy bilen bilelikde «Parahatlyk hemra her bir ynsana, ynam bilen geljegimiz nurana» atly duşuşyk geçirdi. Gahryman Arkadagymyzyň we Hormatly Prezidentimiziň gymmatly eserleri bilen bir hatarda birnäçe neşir önümlerinden guralan göçme kitap sergimiz ýaş nesillerde uly gyzyklanma döretdi. Çärämize işjeň gatnaşan okuwçylaryň türkmen ýazyjydyr-şahyrlaryň döredijiligine degişli goşgularyny ýatdan, labyzly ýerine ýetirip bermekleri we kitaphana hünärmenleri bilen sorag-jogap alyşmagy duşuşygyň has-da täsirli geçmegine ýardam etdi.
Ýaş nesillere kitaphanamyzyň kärdeşler arkalaşygynyň adyndan kitapça hem sowgat berildi. Duşuşygymyzyň ahyrynda oňa gatnaşanlar ýaş nesilleriň bilim almaklary, öwrenmekleri üçin ähli mümkinçilikleri döredip berýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyşlary beýan etdiler.
