«EZIZ DIÝAR ÖSÜŞLERE BESLENÝÄR» ADY BILEN WAGYZ-NESIHAT ÇÄRESI
Berkarar döwletiň täze eýýamynyň Galkynyşy döwründe dünýäde parahatçylygy, abadançylygy we gülläp ösüşi üpjün etmäge gönükdirilen asylly başlangyçlary dowamata besleýän hormatly Prezidentimiziň baştutanlygynda Birleşen Milletler Guramasy bilen strategik hyzmatdaşlyk Bitarap Türkmenistanyň daşary syýasatynyň esasy ugry bolup durýar. Türkmenistanyň şekillendiriş sungaty muzeýinde Aşgabat şäher medeniýet müdirligiň Merkezleşdirilen Kitaphanalar ulgamynyň Gurbannazar Ezizow adyndaky kitaphana şahamçasy, Aşgabat teleýaýlymy bilen bilelikde guramagynda «Eziz diýar ösüşlere beslenýär» ady bilen wagyz-nesihat çäresi geçirildi. Çäreni Merkezleşdirilen Kitaphanalar ulgamynyň Gurbannazar Ezizow adyndaky Kitaphana şahamçysynyň kiçi bölümiň müdiri Akmämmedowa Bägül alyp bardy. Rustamowa Şirin Türkmenistanyň şekillendiriş sungaty muzeýiniň Ylmy işler boýunça direktoryň orunbasary, Ataýewa Bahar Merkezleşdirilen Kitaphanalar ulgamynyň Gurbannazar Ezizow adyndaky kitaphana şahamçasynyň müdiri, Myratlyýewa Aýjeren Merkezleşdirilen Kitaphanalar ulgamynyň kitaphanaçysy, Türkmenistanyň şekillendiriş sungaty muzeýiniň esasy hünärmeni Aýjemal Gatyýewa dagylar çykyş etdiler. Wagyz-nesihat çäresine gatnaşanlar ýurdumyzyň halkara abraýnyň ýokarlanmagy hem-de dünýäde parahatçylygyň we ynanyşmagyň rowaçlanmagy ugrunda yzygiderli işleri durmuşa geçirýän Gahryman Arkadagymyzyň, Arkadagly Gahryman Serdarymyzyň janlary sag ömürleri uzak bolsun, il–ýurt bähbitli alyp barýan işleri rowaçlyklara beslenmegini tüýs ýürekden arzuw etdiler.
