Aşgabat şäher medeniýet müdirliginiň Merkezleşdirilen kitaphanalar ulgamynyň Hajy Ysmaýylow adyndaky kitaphana şahamçasy bilen, Aşgabat gurluşyk orta hünär okuw mekdebiniň bilelikde guramagynda «Ady äleme dolan türkmen bedewi» atly wagyz-nesihat çäresi geçirildi.
Çärede çykyş edenler eziz Watanymyzyň belent ösüşler bilen ynamly öňe barýandygyny, “Garaşsyz, baky Bitarap Türkmenistan – bedew batly at-myradyň mekany” ýylynda halkymyzyň ruhy dünýäsiniň we döwletimiziň okgunly ösüş kuwwatynyň aýdyňlygy bilen açylyp görkezilýändigi barada gürrüň berdiler. Şeýle hem, türkmen halkynyň köp asyrlyk taryhynda we häzirki döwürde ahalteke bedewleriniň milletimiziň ynamdar ýoldaşy, gözelligiň belent nusgasy bolup durýandygy barada belläp geçdiler.
Çäräniň ahyrynda oňa gatnaşyjylar ýurdumyzy gülledip ösdürýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.
