Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasynyň guramagynda 95-nji orta mekdepde «Alaja-nepisligiň nusgasy» ady bilen gürrüňdeşlik geçirildi.
Gürrüňdeşlikde Berkarar döwletiň täze eýýamynyň Galkynyşy döwründe agzybirlikden kemal tapan türkmen halkymyzyň milli gymmatlyklary asyrlardan-asyrlar aşyp, biziň şu günlerimize öz gymmatyny ýitirmän gelendigi hakynda belläp geçdiler. Şeýle-de ene-mamalarymyzdan miras galan el-işleri alaja işmek, jähek kakmak, haly dokamak, keçe basmak ýaly ähli el-işleri milli-mirasymyzyň aýrylmaz bölegi bolup durýandygy barada giňişleýin gürrüň berdiler.
Gürrüňdeşligiň ahyrynda milli gymmatlyklarymyzy, nepis el-işlerimizi sungat derejesine ýetirmekde uly tagallalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.
