Lebap welaýat kitaphanasynyň «Okyjylara hyzmat edýän» bölüminiň kitaphanaçylary tarapyndan Türkmenabat şäheriniň 26-njy orta mekdebinde Nurmuhammet Andalybyň doglan gününiň 360-ýyllygy mynasybetli «Alyslara öwüşgin berýän hazyna» atly edebi agşamy geçirildi. Bu ýerde söýginiň, gözelligiň, watanperwerligiň waspçysy Nurmuhammet Andalyp nusgawy edebiýatynyň beýik şahyrydygy barada we onuň «Ýusup-Züleýha» dessany barada giň gürrüňler edilip, giň gerimli kitap sergisi guraldy.
