Türkmenistanyň Bazar Amanow adyndaky döwlet çagalar kitaphanasynyň hünärmeni Türkmen Döwlet Medeniýet institutyň talyplary bilen bilelikde Aşgabat şäherinde ýerleşýän №38-nji çagalar bagynda «Arassaçylyk we sagdynlyk» atly söhbetdeşlik geçirdiler. Çagalara Gahryman Arkadagymyzyň «Türkmenistanyň dermanlyk ösümlikleri» atly kitabyndan dermanlyk otlaryň suratlary görkezildi we çagalar bilen sorag-jogap alyşyldy. Esasan-da, häzirki gyş paslynda çagalar sowuklan wagty bu ajaýyp kitapdan peýdalanyp, ondaky görkezilen çopantelpekdir, it burun ýaly peýdaly otlardan demlenen çaý içmeklik maslahat berildi. Söhbetdeşligiň dowamynda Türkmen Döwlet Medeniýet institutyň talyplary gyş pasly hakynda birnäçe tapmaçalar, ertekidir, goşgular boýunça sorag-jogap alyşdylar.
Söhbetdeşligiň ahyrynda biziň ýaş nesillerimiziň sagdyn we berk bedenli bolup ýetişmekleri üçin atalyk aladasyny edýän türkmen halkynyň Milli Lideri Gahryman Alym Arkadagymyza, hormatly Prezidentimiz Arkadagly Gahryman Serdarymyza alkyş sözleri beýan edildi.
