Berkarar döwletiň täze eýýamynyň Galkynyşy döwründe şöhratly pederlerimiziň paýhasly ýörelgeleri mynasyp derejede dowam etdirilýär we baýlaşdyrylýar. Ýurdumyzda giňden bellenilýän Halkara zenanlar güni mynasybetli Türkmenistanyň Gurluşyk we binagärlik ministrliginiň Aşgabat gurluşyk orta hünär okuw mekdebinde aýdym-sazly baýramçylyk dabarasy geçirildi. Aýdym-sazly baýramçylyk dabaranyň çäklerinde Türkmenistanyň Şekillendiriş sungaty muzeýi türkmen nakgaş, keramika, amaly-haşam sungaty eserlerinden düzülen göçme sergisini gurady. Mährem zenanlara bagyşlanan ajaýyp baýramçylyk çykyşlarynda şatlyk, döredijilik duýgulary, täze durmuşyň ýörelgeleri, halkymyzyň ynamyny, kuwwatyny, umyt-arzuwlaryny berkidýän ajaýyp başlangyçlar öz beýanyny tapdy.
