Türkmenistanyň Bazar Amanow adyndaky döwlet çagalar kitaphanasynyň agzybir hünärmenleri ýaňy-ýakynda Aşgabat şäheriniň 132-nji orta mekdebiniň okuwçylary bilen meşhur mukamçy bagşy Amangeldi Gönübek Orazaly oglunyň doglan gününiň 195 ýyllygyna bagyşlap, «Aýdym-saza baglanan ömür» ady bilen söhbetdeşlik geçirdi. Söhbetdeşligiň dowamynda ussat mukamçy bagşynyň ömri we döredijiligi barada täsirli gürrüňler edildi. Häzirki wagtda ýurdumyzda medeniýetimizde we sungatymyzda yz goýýan halypalarymyza goýulýan hormat-sarpa barada hem aýratyn nygtaldy.
Söhbetdeşligiň ahyrynda milli medeniýetimizi, sungatymyzy, nusgawy edebiýatymyzy ýaş nesillere has giňişleýin wagyz etmäge giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözleri beýan edildi.
