Lebap welaýat kitaphanasy, S.Seýdi adyndaky Türkmen Döwlet mugallymçylyk instituty bilen bilelikde Bitaraplygymyzyň 30 ýyllyk baýramy mynasybetli «Bagtdan paýly eziz Diýarym» atly tegelek stoluň başynda söhbetdeşlik geçirdi. Bu söhbetdeşlige institutyň mugallymlary, talyp ýaşlar we kitaphana işgäri gatnaşdylar. «Bitaraplyk belent maksatlara ruhlandyrýar» ady bilen guralan giňişleýin kitap sergisi gatnaşyjylarda uly täsir galdyrdy. Çykyşlarda esasan Bitaraplygy baýdak edinip ynamly öňe barýan ýurdumyzda bilim ulgamynda ýetilen sepgitler, gazanylan üstünlikler barada durulyp geçildi. Şeýle-de Hormatly Prezidentimiziň Türkmenistanyň kitaphana ulgamyny ösdürmegiň 2025–2029-njy ýyllar üçin Döwlet maksatnamasyny tassyklamak hakynda gol çeken Kararyna laýyklykda welaýat, etrap, şäher kitaphanalarynda işleriň alynyp barylyşy barada uly we täsirli gürrüňler edildi. Söhbetdeşligiň barşynda şeýle ajaýyplyklaryň sakasynda duran ylyma-bilime, kitaphana ulgamynyň ösmegine uly ýardam berýän Türkmen halkynyň Milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza sagbolsunlar aýdylyp, janlarynyň sag, belent başlarynyň aman bolmagyny arzuw etdiler.
