Aşgabat şäher medeniýet müdirliginiň Merkezleşdirilen kitaphanalar ulgamynyň Hajy Ysmaýylow adyndaky kitaphana şahamçasy bilen 89-njy çagalar bagynyň bilelikde gurnamagynda «Bagtyýar çagalar – köňülleriň buýsanjy» ady bilen çeper okaýyş geçirildi.
Çärede Garaşsyz, baky Bitarap ýurdumyzda geljegimiziň gül-gunçalary bolan çagalarymyz barada edilýän atalyk aladalaryň netijesinde, mähriban çagalaryň aladasyz, bagtyýar döwürde ýaşaýandyklary we okaýandyklary, olaryň berk bedenli, sagdyn, döwrebap, ylymly-bilimli, edepli-terbiýeli, hemme taraplaýyn kämil şahsyýetler bolup ýetişmegi üçin ýurdumyzda ähli mümkinçilikleriň döredilýändigi barada giňişleýin gürrüň berdiler. Şeýle-de türkmen halk ertekileriniň gahrymanlarynyň häsiýetleriniň çaga terbiýesine uly täsir edýändigi barada bellediler we türkmen halk ertekileri kitabyndan labyzly okap berdiler.
Çäräniň ahyrynda çagalaryň isleg–arzuwlarynyň hasyl bolmagy ugrunda uly işleri amala aşyrýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.
