Aşgabat şäher medeniýet müdirliginiň Merkezleşdirilen kitaphanalar ulgamynyň Nury Baýramow adyndaky kitaphana şahamçasynyň gurnamagynda “Beýik Serdaryň ruhubelent nesilleri” çagalar sagaldyş we dynç alyş merkezinde “Bagtyýar nesiller–aýdyň geljegimiz” ady bilen kitap sergisi gurnaldy we wagyz-nesihat çäresi geçirildi.
Çärede ýaş nesilleriň tomusky dynç alyş möwsüminiň şatlyk-şowhuna, täsirli pursatlara beslenmegini üpjün etmek bilen çäklenmän, eýsem, çagalaryň köptaraply ukyp-başarnyklaryny ýüze çykarmakda hem möhüm ähmiýetli çäreleriň geçirilýändigi barada aýtdylar. Çagalary milli ruhda terbiýelemek we olaryň aňynda sadalyk, päklik, hoşniýetlilik duýgularyny oýarmakda kitaplaryň ornunyň uludygy, olaryň terbiýesiniň kemala gelmeginde ertekileriň, tapmaçalaryň, nakyllaryň, atalar sözleriniň, rowaýatlaryň aýratyn ähmiýetiniň bardygy hem-de näçe köp kitap okasalar, dünýägaraýşynyň giňelýändigi barada giňişleýin gürrüň berdiler. Çäräniň dowamynda gurnalan kitap sergisi ýaş nesillerde kitap okamaklyga bolan söýgüni artdyrdy.
Çäräniň ahyrynda çagalaryň şatlygy hem-de bagtyýarlygy üçin uly aladalar edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.
