Geljegi beýik döwletiň,
At agynan düzleri bar.
Gutaryp bolmaz söhbetin,
Ýaz, tomus, gyş, güýzleri bar.
Bedew batly eziz DIÝAR!
Oram-oram obalary,
Azym-azym şäherleri,
Şypalydyr säherleri,
Sahawatly illeri bar.
Bedew batly eziz DIÝAR!
Giň gujagy lälezardyr,
Halkyň mydam keýpi çagdyr,
Jennet diýdiren mekandyr,
Bagta barýan ýollary bar.
Bedew batly eziz DIÝAR!
Ruhy bardyr Erenleriň,
Mekany sen keremleriň,
Ýurdy bagty gelenleriň,
Şat, bagtyýar illeri bar.
Bedew batly eziz DIÝAR!
Nusgalykdyr, göreldesi,
Dünýä doldy ýörelgesi,
Gül açýandyr örelgesi,
Zynat berýän gülleri bar.
Bedew batly eziz DIÝAR!
Arkasynda Arkadagy,
Howandary Serdary bar,
Ösüşleri ýar edinip,
Diňe, öňe, öňe barýar,
Bedew batly eziz DIÝAR!
Ogultäç HOJANAZAROWA
