Aşgabat şäher medeniýet müdirliginiň Merkezleşdirilen kitaphanalar ulgamynyň Berdi Kerbabaýew adyndaky kitaphana şahamçasy bilen Türkmenistanyň Şekillendiriş sungaty muzeýiniň bilelikde guramagynda «Bedew batly, şan-şöhratly Watanym» ady bilen Wagyz-nesihat çäresi geçirildi.
Çärede çykyş edenler Ýurdumyzda her ýyly döwrebap atlandyrmak asylly däbe öwrülip, eziz diýarmyzyň taryhy tutumlary, halkymyzyň belent maksatlary, hormatly Prezidentimiziň üstünlikli durmuşa geçirýän içeri we daşary syýasaty bilen has-da şöhratlanýandygyny 2026-njy ýylyň «Garaşsyz, baky Bitarap Türkmenistan - bedew batly at-myradyň mekany» ýyly diýilip atlandyrylmagynda uly many bardygy barada gürrüň berdiler. Şeýle-de döwrüň batly gadamlary bilen halkymyzyň milli-ruhy bitewüligi dünýäde giňden dabaralanýandygy barada beýan etdiler.
Çäräniň ahyrynda eziz Watanmyzyň mundan beýläk-de gülläp ösmeginiň, halkymyzyň bagtyýar we eşretli durmuşda ýaşamagynyň bähbitlerine alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.
