Aşgabat şäher medeniýet müdirliginiň Merkezleşdirilen kitaphanalar ulgamynyň Ata Salyh adyndaky kitaphana şahamçasynyň guramagynda Gökderedäki “Beýik Serdar nesilleri” çagalar sagaldyş we dynç alyş merkezinde “Belentden ýaňlanýar çaga gülküsi” ady bilen gürrüňdeşlik geçirildi.
Gürrüňdeşlikde ýurdumyzda çagalaryň abadan, parahat, asuda bolelin durmuşda ýaşamaklary, her bir çaganyň döwletiň hemmetaraplaýyn goldawyndan we goragyndan peýdalanmagy, döwrümiziň talabyna görä bilim-terbiýe almaklary üçin uly işleriň amala aşyrylýandygy barada gürrüň berdiler. Şeýle-de tomus paslynda çagalara ýatdan çykmajak pursatlary bagyş edýän Gökdere jülgesinde ýerleşýän birnäçe çagalar sagaldyş we dynç alyş merkezlerinde körpe nesillerimiz üçin dynç alyp, çaga dünýäsini durşy bilen oýunlara, gezelençlere beslenýändigi barada çykyş etdiler.
Gürrüňdeşligiň ahyrynda Watanymyzda körpeje nesillerimiziň şadyýan gülküsiniň ýaňlanyp durmagy ugrunda uly işleri amala aşyrýan Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
