Aşgabat şäher medeniýet müdirliginiň Merkezleşdirilen kitaphanalar ulgamy bilen Türkmenistanyň Medeniýet, sport, syýahatçylyk we jemgyýetçilik guramalarynyň işgärleriniň kärdeşler arkalaşygynyň Geňeşiniň bilelikde guramagynda Türkmen bedewiniň milli baýramy mynasybetli «Berkarar döwletimizde behişdi bedewlere goýulýan sarpa» ady bilen söhbetdeşlik geçirildi.
Söhbetdeşlikde çykyş edenler, Berkarar döwletiň täze eýýamynyň Galkynyşy döwrüniň her bir güni toý-baýrama beslenýändigi, her ýylyň aprel aýynyň soňky ýekşenbesinde, eziz Diýarymyzda Türkmen bedewiniň milli baýramynyň döwlet derejesinde bellenilip geçilmegi we dürli bäsleşikleriň, at çapyşyklaryň guralmagy atyň türkmen halkynyň ruhy dünýäsinde örän uly ornunyň bardygyna aýdyň şaýatlyk edýändigi barada söhbet etdiler. Şeýle-de, “Ahalteke atçylyk sungaty we atlary bezemek däpleriniň” ÝUNESKO-nyň Adamzadyň maddy däl medeni mirasynyň sanawyna girizilmegi halkymyzyň medeni we ruhy gymmatlyklarynyň dünýä derejesindäki ähmiýetini has-da artdyrandygy barada buýsanç bilen beýan etdiler.
Söhbetdeşligiň ahyrynda behişdi bedewleriň waspyny dünýä ýaýmakda döredip berýän beýik işleri üçin Gahryman Arkadagymyza, Arkadagly Gahryman Serdarymyza alkyş sözlerini aýtdylar.
