Gahryman Arkadagymyzyň, Arkadagly Gahryman Serdarymyzyň taýsyz tagallalary bilen milli gymmatlyklaryň gadymy mekany bolan eziz Diýarymyzyň ahalteke bedewleri mynasyp bahasyna eýe bolýar. Görnüşi ýaly parasatly pederlerimiziň uçursyz zehini, yzygiderli yhlasy–zähmeti bilen kämilleşdirilen milli baýlyklarymyzyň naýbaşy nusgalarynyň dünýä derejesinde ykrar edilmegi halk mirasyny goramaga ähli zerur şertler döredilýän eziz Watanymyzyň, mähriban halkymyzyň dünýädäki at-abraýyny belende göterýär. Mälim bolşy ýaly biziň ýurdumyzyň ösüşini gazanýan sepgitlerini bedew bady bilen ölçeýäris. Munuň özi häzirki ösüş depginini dürli ugurlarda ýeten belent derejelerini buşlap halkara derejede gazanylýan ýeňiş baradaky hoş habarlar biziň buýsançly başymyzy göge ýetirdi. Şeýle hem Ahalteke atçylyk toplumynyň edarasynyň «Galkynyş» milli at üstündäki oýunlar toparynyň seýisi–topar ýolbaşçysy Serdar Pygyýewiç Pygyýewe «Türkmenistanyň at gazanan atşynasy» diýen hormatly at dakyldy. Bu bolsa ýurdumyzda behişdi bedewlerimize goýulýan hormat sarpanyň nyşanydyr.
Biziň Döwletmämmet Azady adyndaky Arkadag şäher kitaphanasynda «Bir belent ykbal sen illere, Bedew» ady bilen sergi, söhbetdeşligi geçirildi. Bu sergä gatnaşan myhmanlarymyzda uly täsir galdyrdy. Ganatly bedewlerimizi sarpalaýan türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, belent başynyň aman, ruhy dünýämizi baýlaşdyrýan ilhalar eserleriniň höwrüniň köp bolmagyny, döwletli işleriniň elmydama rowaç almagyny arzuw edýäris.
