Aşgabat şäher medeniýet müdirliginiň Merkezleşdirilen kitaphanalar ulgamynyň Durdy Gylyç adyndaky kitaphana şahamçasy bilen Aşgabat Maliýe-ykdysady orta hünär okuw mekdebiniň bilelikde guramagynda Halkara Bitaraplyk baýramynyň 30 ýyllygy mynasybetli «Bitarap diýarym–bagtyň mekany» bilen wagyz-nesihat çäresi geçirildi.
Çärede çykyş edenler Berkarar döwletiň täze eýýamynyň Galkynyşy döwründe Bitaraplyk türkmeniň ruhunyň galkynmagyna, arzuw hyýallarynyň wysal tapmagyna, gadymdan gelýän ynsanperwerlik, hoşniýetli goňşuçylyk dost doganlyk, ýörelgelerine öwrülendigi barada giňişleýin gürrüň berdiler. Şeýle-de Hemişelik Bitaraplyk ýurdumyzyň ykdysady ösüşini, abadançylygyny üpjün etmegiň bagtyýar durmuşymyzyň ygtybarly binýady bolup durýandygy barada öz ýürek buýsançlaryny beýan etdiler.
Çäräniň ahyrynda mähriban Watanymyzyň dünýädäki abraý-mertebesini has-da belende göterýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.
