Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasynyň guramagynda Halkara Bitaraplyk güni mynasybetli «Bitaraplyk-baky Berkararlygyň binýady» ady bilen gürrüňdeşlik geçirildi.
Gürrüňdeşlikde çykyş edenler hemişelik Bitaraplyk ýörelgesi gadymy döwürlerden bäri dana hem merdana pederlerimiziň durmuşa, özbaşdaklyga bolan ynsanperwer garaýyşlaryndan gözbaş alyp gaýdýandygy barada gürrüň berdiler. Şeýle-de bu günki gün dünýäde dostlugyň, parahatçylygyň, birek-birege ynanmagyň, ynsanperwerligiň mekany saýylýan Türkmenistan Watanymyzyň Zemin içre abraýy, meşhurlygy has-da artýandygy barada belläp geçdiler.
Gürrüňdeşligiň ahyrynda dünýä halklary bilen dost-doganlyk gatnaşyklaryny ýola goýýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.
