Aşgabat şäher medeniýet müdirliginiň Merkezleşdirilen kitaphanalar ulgamynyň Nury Baýramow adyndaky kitaphana şahamçasy bilen Aşgabat şäher häkimliginiň «Bagt köşgi» toý dabaralary merkeziniň bilelikde guramagynda «Bitaraplyk–parahatçylygyň gözbaşy» ady bilen söhbetdeşlik geçirildi.
Söhbetdeşlikde çykyş edenler Halkara parahatçylyk we ynanyşmak ýylynda hemişelik Bitaraplygymyzyň 30 ýyllyk toýunyň toýlanýan günlerinde, dünýäde parahatçylygyň, ynanyşmagyň, hoşniýetliligiň dabaralanmasy bolup, Hemişelik Bitaraplyk–halkymyzyň aňyýetine, ruhy dünýäsine, ahlak gymmatlyklaryna ornaşan taglymatdygy barada gürrüň berdiler. Şeýle-de asylly ýörelge dünýä halklary bilen dost-doganlyk gatnaşyklaryny ösdürmäge, durnukly ösüşi üpjün etmäge giň mümkinçilikleri döredýändigi barada söhbet etdiler.
Söhbetdeşligiň ahyrynda halkymyzyň bagtyýarlygy, ýurdumyzyň abadançylygy ugrunda uly tagallalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.
