Ýurdumyzda Milli bahar baýramy – Nowruz baýramy 1991-nji ýyldan bäri bellenilip gelinýär. Nowruz pars sözi bolup, “now” täze “ruz” gün, ýagny, “Täze ýyl” ýa-da “Täze gün” diýen manyny aňladýar. Nowruzda taýýarlanýan esasy tagamlaryň biri bolsa semenidir.
Öň Nowruz baýramyny musulman ýurtlary milli baýram hökmünde giňden belläpdirler. Şu günem paýtagtymyzda ýerleşýän 63-nji orta mekdepde dabaraly ýagdaýda Nowruz baýramyna bagyşlap açyk gapylar güni geçirildi. Bu çärä Bazar Amanow adyndaky döwlet çagalar kitaphanasynyň hünärmenleri hem şäherimiziň mekdep mugallymlary gatnaşdylar. Bu baýramçylykda saçaklar giňden ýazylyp, dürli dümen tagamlar taýýarlanylyp, myhmanlar saçak başyna çagyryldy. Mekdep okuwçylary öz gezeginde uly höwes bilen çykyş etdiler, läle kakyp, küşt depip, aýdymdyr sazlary ýerine ýetirdiler. Ýakyn-ýat bilen dost-dogan bolup gatnaşmak bolsa, biziň halkymyzyň esasy ýörelgeleriniň biridir.
Çäräniň ahyrynda Bagtyýarlyk baharyny peşgeş beren Gahryman Arkadagymyza, hormatly Prezidentimize alkyş sözleri beýan edildi.
