Türkmenistanyň Döwlet medeniýet merkeziniň Döwlet kitaphanasynyň Kitap saklamak bölümi bilen Aşgabat şäheriniň Köpetdag etrabynyň Daşary ýurt dillerini çuňlaşdyryp öwredýän 52-nji orta mekdebi bilen bilelikde «Dünýä nusgalykdyr türkmen zenany» ady bilen mekdep okuwçylarynyň arasynda sesli okaýyşlary, wagyz-nesihat çäresi we kitap sergisi gurnaldy.
Wagyz-nesihat çäresinde çykyş edenler «Zenan» düşünjesine halkymyz «Ene», «Eje», «Uýa», «Aýal dogan», «Ömürlik durmuş hemrasy» diýen manylarda garaýar. Her ýyl ýurdumyzda Halkara zenanlar güni bellenilende, türkmenistanlylar özleriniň mähriban enelerini, ejelerini, uýalaryny, wepaly ýanýoldaşlaryny bu baýram bilen ýürekden gutlaýarlar. Ýurdumyzda dünýäniň köp ýurtlarynda halkara derejesinde uludan bellenilýän bu baýramçylygyň meşhurlygy hasda artýar. Ýyl-ýyldan zenanlara bagyşlanan baýramçylygyň dabarasy hem uludan tutulýar. Şunuň özi hem türkmen maşgalasynda zenanlara goýulýan ýokary sylag-sarpanyň adamzat jemgyýetiniň iň gowy däplerine mahsusdygyny aýan edýär diýip, uly buýsanç bilen nygtadylar.
