Aşgabat şäher medeniýet müdirliginiň Merkezleşdirilen kitaphanalar ulgamynyň Çoganly şäherçe kitaphana şahamçasynyň gurnamagynda 118-nji çagalar bagynda «Ertekiler-çagalaryň ruhy dünýäsiniň açary» ady bilen gürrüňdeşlik geçirildi.
Gürrüňdeşlikde kalby päkize körpeleriň eý görýän zady erteki bolup, ertekiler gowy häsiýetleriň kemala gelmeginde, ýaş nesilleri terbiýelemekde ähmiýetiniň örän uludygy barada gürrüň berdiler. Şeýle-de ertekilerde beýan edilýän wakalar çagalar üçin örän gyzykly we özüne çekiji bolup, ýaş nesillerimizde watansöýüjilik, zähmetsöýerlik, gahrymançylyk, ahlaklylyk, ynsanperwerlik ýaly ajaýyp sypatlary terbiýelemekde gymmatly hazyna bolup durýandygy hakynda hem aýtdylar.
Gürrüňdeşligiň ahyrynda ýaş nesillerimiziň döwrebap bilimli, terbiýeli bolup ýetişmekleri üçin taýsyz tagallalary edýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
