Türkmenistanyň Döwlet medeniýet merkeziniň Döwlet kitaphanasynyň Sungat bölümi tarapyndan «Gahryman hem mähriban Maýa ejemiz» atly Türkmenistanyň Gahrymany Maýa Kulyýewanyň döredijiligine bagyşlap sergi guraldy.
Türkmeniň Milli Lideri, Gahryman Arkadagymyzyň, peder ýoluny mynasyp dowam etdirýän Arkadagly Gahryman Serdarmyzyň ýolbaşçylygynda Watanymyzyň gülläp ösmegine mynasyp goşant goşýan her bir ynsan çeken zähmetiniň rehnetini görüp, bagtyýar durmuşda ýaşaýar, aramyzdan giden ussatlarymyz apalanýar, sarpalanýar. “Halkara parahatçylyk we ynanyşmak ýylynda” hem bu işleri dowam etdirmek maksady bilen Döwlet kitaphanasynda Türkmenistanyň Gahrymany Maýa Kulyýewanyň «Gahryman hem mähriban Maýa ejemiz» atly döredijilik agşamy mynasybetli Türkmenistanyň Gahrymany Maýa Kulyýewa döredijiligine bagyşlanan sergi guraldy. Sergide sungat ussadynyň döredijiligi hakda gürrüň berýän edebiýatlar, döwürleýin neşirler, onuň oýnan kinifilmleriniň diskleri we bölümiň işgärleri tarapyndan Türkmenistanyň Gahrymany Maýa Kulyýewanyň doglan gününiň 105 ýyllygyna bagyşlanyp ýazylan ”Sungat äleminde” atly tapgyrlaýyn usuly gollanmalar goýuldy.
Milli medeniýetimiziň we sungatymyzyň çuňňur öwrenilmegi, dünýäde wagyz edilmegi babatda taýsyz tagallalar edýän Hormatly Prezidentimiz Arkadagly Gahryman Serdarmyzyň, Türkmen halkynyň Milli Lideri Gahryman Arkadagymyzyň janlary sag, başlary dik bolsun, tutýan tutumly işleri elmydama rowaçlyklara beslensin.
