Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasy bilen Halkara senagatçylar we telekeçiler uniwersitetiniň bilelikde guramagynda mukaddes Garaşsyzlygymyzyň şanly 35 ýyllygy mynasybetli «Garaşsyz, agzybir Watan goýnunda, türkmen toý – toýlaýar ýeriň ýüzünde» atly wagyz-nesihat çäresi geçirildi.
Çärede çykyş edenler Garaşsyzlygyň halkymyza getiren bagtyýarlygy, döwletimiziň gazanan ýokary sepgitleri hem-de milli agzybirligiň berkligi barada çuňňur mazmunly sözleri aýtdylar. Şeýle-de şanly Garaşsyzlygymyzyň 35 ýyllyk toýunyň uludan toýlanýandygy, bu şanly sene halkymyzyň agzybirlik we döredijilik ýoly bilen gazanan ýeňişleriň şaýady bolýandygy barada giňişleýin çykyş etdiler.
Çäräniň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.
