Aşgabat şäher medeniýet müdirliginiň Merkezleşdirilen kitaphanalar ulgamynyň Mollanepes adyndaky kitaphana şahamçasy bilen Aşgabat şäherindäki syýahatçylyk orta hünär okuw mekdebiniň bilelikde guramagynda «Garaşsyz, baky Bitarap Türkmenistan-bedew bady ak ýollaryň rowany» ady bilen wagyz-nesihat çäresi geçirildi.
Çärede çykyş edenler merdana halkymyz hormatly Prezidentimiziň parasatly baştutanlygynda uly ruhubelentlik hem-de ýagşy umyt-arzuwlar bilen täze 2026-njy ýyl “Garaşsyz, baky Bitarap Türkmenistan - bedew batly at-myradyň mekany” ýylyna gadam basandygy, Türkmenistanyň Garaşsyzlygyny we özygtyýarlygyny has-da şöhratlandyrýandygy barada gürrüň berdiler. Şeýle-de Garaşsyzlyk ýyllarynda syýasatda, ykdysadyýetde, medeniýetde ýetilen belent sepgitleri, halkymyzyň bagtyýar durmuşyny üpjün etmekde gazanylan üstünlikleri, bedew bady bilen ösüşleriň belentliklerine tarap ynamly gadam urýan berkarar Watanmyzyň dünýäni haýran galdyryjy ahalteke bedewleriniň şöhratyny mundan beýläk-de beýgeltmek, eziz Watanmyzyň abraý mertebesini belende göterýändigi barada gürrüň berdiler.
Çäräniň ahyrynda Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli alyp barýan işleriniň rowaçlyklara beslenmegini arzuw etdiler.
