Aşgabat şäher medeniýet müdirliginiň Merkezleşdirilen kitaphanalar ulgamynyň Mollamurt adyndaky kitaphana şahamçasy bilen Maýa Kulyýewa adyndaky türkmen milli konserwatoriýasynyň bilelikde guramagynda şanly Garaşsyzlygymyzyň 35 ýyllygy mynasybetli «Garaşsyz, Watanym – jennet mekanym» ady bilen aýdym-sazly, wagyz-nesihat çäresi geçirildi.
Çärede müňýyllyklardan gözbaş alýan gadymy taryhy bolan Watanymyz dünýä ýüzünde asuda, parahat, Garaşsyz döwletiň mekanyna öwrülendigi barada çykyş etdiler. Mukaddes Garaşsyzlygyň 35 ýyllygy iň naýbaşy baýramlaryň biri bolup, bu çäksiz bagta buýsanmak her bir ynsan üçin bagt bolup durýandygy hakynda çykyş etdiler. Bu şanly sene mynasybetli talyplaryň ýerine ýetiren ajaýyp aýdym-sazlary çäräniň täsirini has-da artdyrdy.
Çäräniň ahyrynda Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
