Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasy bilen Türkmenistanyň inžener–tehniki we ulag kommunikasiýalary institutynyň bilelikde gurnamagynda mukaddes Garaşsyzlygymyzyň 34 ýyllyk baýramy mynasybetli «Garaşsyzlyk–buýsanjymyz bagtymyz» ady bilen wagyz-nesihat çäresi geçirildi.
Çärede çykyş edenler Garaşsyzlyk–bu berkarar Diýarymyzyň özygtyýarlygyny we bitewiligini şöhratlandyrýan mukaddeslikdigini, ýurdumyzyň abadançylygyny, raýatlarymyzyň watançylyk ruhyny şöhlelendirýän, eziz diýarymyzy beýik ösüşlere besleýän ajaýyp baýramçylyklaryň biridigini beýan etdiler. Şeýle-de Gahryman Arkadagymyzyň, Arkadagly Gahryman Serdarymyzyň parasatly ýolbaşçylygynda ajaýyp Watanymyzyň beýik geljeginiň hatyrasyna alnyp barylýan işler durmuşa geçirilýändigi, şanly Garaşsyzlygymyzyň peşgeş eden bagtyna çäksiz buýsanç duýgusy bilen ýaşaýan mähriban halkymyz bu mukaddes baýramy şatlyk-şowhun, dabara bilen belleýändikleri hakynda gürrüň berdiler.
Çäräniň ahyrynda ata Watanymyzy ösüşlerden-ösüşlere alyp barýan türkmen halkynyň Milli Lideri Gahryman Arkadagymyzyň, Arkadagly Serdarymyzyň janlarynyň sag, ömürleriniň uzak, tutumly işleriniň hemişe rowaçlyklara beslenmegini arzuw etdiler.
