Aşgabat şäher medeniýet müdirliginiň Merkezleşdirilen kitaphanalar ulgamynyň Gypjak kitaphana şahamçasy bilen Gypjak medeniýet öýleriniň bilelikde guramagynda «Halkyň kalby bolup dünýä ýaň salýar, türkmen medeniýeti, türkmen sungaty» ady bilen Bagtyýarlyk medeniýet öýünde wagyz-nesihat çäresi geçirildi.
Çärede Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde däp bolan medeniýet hepdeligi her ýylyň 22-27-nji iýun aralygynda Medeniýet we sungat işgärleriniň hem-de Magtymguly Pyragynyň şygryýet güni ýurdumyzyň ähli künjeklerinde uly dabara bilen bellenilýändigi hakynda çykyş etdiler. Şeýle-de medeniýet halkyň ruhy baýlygy, geçmişi bilen geljegini baglanyşdyrýan gymmatly mirasdygy barada gürrüň berdiler.
Çäräniň ahyrynda türkmen medeniýetiniň, sungatynyň hemmetaraplaýyn gülläp ösmegi ugrunda uly tagallalar edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.
