Aşgabat şäher medeniýet müdirliginiň Merkezleşdirilen kitaphanalar ulgamynyň Çoganly şäherçe kitaphana şahamçasy bilen Maýa Kulyýewa adyndaky Türkmen milli konserwatoriýasynyň bilelikde gurnamagynda hemişelik Bitaraplygymyzyň 30 ýyllygy mynasybetli «Hemişelik Bitaraplyk aýdyň ýollara şamçyrag» ady bilen aýdym-sazly baýramçylyk çäresi geçirildi.
Çärede çykyş edenler ýurdumyz Birleşen Milletler Guramasynyň Baş Assambleýasy tarapyndan üç gezek ykrar edilen türkmen Bitaraplygynyň ähmiýeti, dünýäde parahatçylygy we ynanyşmagy üpjün etmäge gönükdirilen taryhy başlangyçlar, ýetilen belent sepgitler, gazanylan üstünlikler barada giňişleýin çykyş etdiler. Şeýle-de hormatly Prezidentimiziň hemişelik Bitaraplygymyzyň 30 ýyllygy mynasybetli “Türkmenistanyň Bitaraplygy-parahatçylygyň we ynanyşmagyň aýdyň ýoly” atly täze kitaby halkymyz üçin baýramçylyk sowgady bolandygy hakynda hem belläp geçdiler.
Çäräniň dowamynda Maýa Kulyýewa adyndaky Türkmen milli konserwatoriýasynyň talyplarynyň ýerine ýetirmeklerinde aýdym-sazlar ýaňlandy we baýramçylyk mynasybetli gurnalan kitap sergisi bilen hem tanyşdyryldy. Bu bolsa çärä gatnaşanlarda ýakymly täsir galdyrdy.
Çäräniň ahyrynda mähriban halkymyzy ösüşlere sary alyp barýan Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
