Aşgabat şäher medeniýet müdirliginiň Merkezleşdirilen kitaphanalar ulgamynyň Hajy Ysmaýylow adyndaky kitaphana şahamçasy bilen Neşirýat-çaphana orta hünär okuw mekdebiniň bilelikde guramagynda «Hemişelik Bitaraplyk–parahatçylygyň binýady» ady bilen wagyz-nesihat çäresi geçirildi.
Çärede çykyş edenler parahatçylyk söýüjilik ýoluny, agzybirlik ýörelgesini ýöredýän halkymyz ýene-de bir ajaýyp senäni – ýurdumyzyň hemişelik Bitaraplygynyň 30 ýyllyk toýuny toýlaýandygyny we Watanymyzyň hemişelik Bitaraplyk hukuk ýagdaýynyň şanyna toýlanýan bu sene her birimiz üçin aýratyn ähmiýete we many-mazmuna eýe bolup, durýandygy barada beýan etdiler. Şeýle-de hemişelik Bitaraplyk dünýäde ykrar edilen beýik gymmatlygymyzdygyny hem-de parahatçylygy, dostlugy, ynsanperwerligi, hoşniýetliligi, hyzmatdaşlygy we ösüşi dabaralandyrýan taglymatymyzdygy barada belläp geçdiler.
Çäräniň ahyrynda Türkmenistan Watanymyzyň halkara abraýyny has-da belende göterýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini aýtdylar.
